சவோ பாவ்லோ: பிரேசிலில் 2014 உலக கால்பந்து போட்டியின் போது, வாடிக்கையாளர்களை கவர்வதற்காக பாலியல் தொழிலாளிகள் இப்போதே தயாராகி வருகின்றனர். வாடிக்கையாளர்களுடன் சரளமாக பேசுவதற்காக பல மொழிகளை கற்று வருகின்றனர். உலக கால்பந்து போட்டி மிகவும் பிரபலமானது. கடந்த 1950ம் ஆண்டு பிரேசில் இந்த போட்டியை நடத்தியது. அதன்பின், வரும் 2014ம் ஆண்டு 2வது முறையாக இப்போட்டியை நடத்துகிறது. இந்த போட்டி 2014 ஜூன் 12ம் தேதி தொடங்கி, ஜூலை 13ம் தேதி முடிகிறது. இந்த போட்டியை காண உலகின் பல நாடுகளை சேர்ந்த கால்பந்து ரசிகர்கள் பிரேசிலுக்கு வருவார்கள். அப்போது, பாலியல் தொழிலும் பரபரப்பாக நடக்கும்.

இந்நிலையில், வாடிக்கையாளர்களை கவர பிரேசிலின் பெலோ ஹாரிசோன்டி நகர பாலியல் தொழிலாளிகள் பல மொழிகளை இப்போதே கற்க தொடங்கி உள்ளனர். இதுகுறித்து பாலியல் தொழிலாளிகள் சங்க தலைவர் சிடா வியிரா கூறுகையில், Ôபிரேசிலில் நடக்கும் கால்பந்தாட்ட போட்டியின் போது வாடிக்கையாளர்களுடன் அவர்கள் மொழியில் பாலியல் தொழிலாளிகள் சரளமாக பேச இலவசமாக பயிற்சி அளிக்கப்படுகிறது. இதன் மூலம் வாடிக்கையாளர்களுடன் நியாயமான ரேட் நிர்ணயித்து கொள்ளவும், தங்களை பாதுகாத்துக் கொள்ளவும் பாலியல் தொழிலாளிகளால் முடியும்Õ என்றார். அதன்படி பாலியல் தொழிலில் ஈடுபடும் இளம்பெண்களுக்கு ஸ்பானிஷ், ஆங்கிலம், போர்ச்சுகீஸ் உள்பட பல மொழிகள் இலவசமாக கற்றுத் தரப்படுகின்றன. இந்த மொழி வகுப்பில் 300க்கும் மேற்பட்ட பெண்கள் இப்போதைக்கு சேர்ந்து பல மொழிகளை ஆர்வமாக கற்று வருகின்றனர்.

• நிலாவை ஆராய்ச்சி செய்ய விண்கலம் அனுப்புகிறது ரஷ்யா
  
• கொரிய இசைக் குழுவினர் போட்டோவுக்கு கொடுத்த அசத்தல் போஸ்
  
• கட்டிடத்தை துளைத்து கொண்டு நின்ற ரயில்
  
• பிரதமரை கைது செய்ய சுப்ரீம் கோர்ட் உத்தரவு பாகிஸ்தானில் ராணுவ புரட்சி வெடிக்குமா?
  
• இலங்கை நாடாளுமன்றத்தில் முதல் பெண் தலைமை நீதிபதி மீது கண்டன தீர்மானம் நிறைவேற்றம்
  
• ஆப்கன் போர் அடுத்தாண்டு நல்ல முடிவுக்கு வரும் : ஒபாமா
  
• 60 ஆண்டுகள் 214 செக்ஸ் கிரைம் மறைந்த டிவி பிரமுகரின் லீலைகள் அம்பலம்
  
• இந்தோனேசியாவில் பயங்கர பூகம்பம்
  
• மனைவி போன் செய்து அழுததால் பாஸ்போர்ட்டை கிழித்து போட்டு ஏர்போர்ட்டில் நாடகமாடிய கணவன்
  
• அமெரிக்க பள்ளியில் மீண்டும் துப்பாக்கி சூட்டுக்கு 2 பேர் காயம்