ஐதராபாத்: நிலம் புயலால் ஆந்திராவில் தொடர் மழை பெய்து வருகிறது. மழைக்கு பலியானோர் எண்ணிக்கை 9 ஆக உயர்ந்துள்ளது. வங்க கடலில் உருவான நிலம் புயல் கடந்த புதன்கிழமை மாலையில் சென்னை அருகே மாமல்லபுரத்தில் கரையை கடந்தது. பின்னர் வலுவ¤ழந்தது ஆந்திரா, தெற்கு கர்நாடகா நோக்கி நகர்ந்தது. இந்த புயலால் ஆந்திராவின் பல்வேறு மாவட்டங்களில் பலத்த மழை பெய்து வருகிறது. கிருஷ்ணா, குண்டூர், பிரகாசம், கிழக்கு கோதாவரி, மேற்கு கோதாவரி, விசாகபட்டினம், விஜயநகரம், கம்மம், அடிலாபாத் ஆகிய மாவட்டங்கள் கடந்த 4 நாட்களாக விடாமல் மழை பெய்து வருகிறது. இம்மாவட்டங்களில் மழைக்கு பலியானோர் எண்ணிக்கை 9 ஆக உயர்ந்துள்ளது. லட்சக்கணக்கான ஏக்கர் பயிர்கள் தண்ணீரில் மூழ்கி நாசமாகி உள்ளன.
மழை நிலவரம் குறித்து முதல்வர் கிரண்குமார் ரெட்டி, தலைமை செயலாளர் மின்னி மேத்யூ மற்றும் மற்ற அதிகாரிகளுடன் விசாகப்பட்டினத்தில் ஆலோசனை நடத்தினார். மேற்கு கோதாவரி, கிருஷ்ணா மாவட்டங்களில் நிலைமையை தீவிரமாக கண்காணிக்குமாறு அவர்களுக்கு உத்தரவிட்டார். நிலம் புயலால் கர்நாடகாவிலும் மழை பெய்து வருகிறது. அங்குள்ள பெல்லாரி மாவட்டத்தில் பலத்த மழைக்கு நூற்றுக்கணக்கான வீடுகள் இடிந்துள்ளன. மாடுகள், ஆடுகள் மழைக்கு பலியாகி உள்ளன. ஹம்பியில் உள்ள உலக பாரம்பரிய சின்னமான விருபக்ஷா கோயில் அருகே உள்ள சாலு மண்டபம் இடிந்து விழுந்தது. இதையடுத்து தொல்பொருள் அதிகாரிகள் அங்கு ஆய்வு செய்து சீரமைப்பு பணிகளை மேற்கொண்டு வருகின்றனர். பெங்களூரிலும் கனமழை பெய்து வருகிறது.

• இந்தியாவில் எங்கு ராஜபக்சே வந்தாலும் மதிமுக போராட்டம்: வைகோ பேட்டி
  
• ஆம்னி பஸ் கட்டண உயர்வு விவகாரம்: அரசு நடவடிக்கை என்ன? பயணிகள் எதிர்பார்ப்பு
  
• உளுந்தூர்பேட்டை அருகே கோயில் குளத்தில் விஷம்? மீன்கள் செத்து மிதந்தன
  
• பொகாரோவில் 3 மாவோயிஸ்ட் கைது
  
• மின் உற்பத்தி இல்லாததால் ஆந்திரா இருளில் மூழ்கி உள்ளது சந்திரபாபு நாயுடு பேச்சு
  
• கெஜ்ரிவால் புது கட்சி டெல்லியில் நாளை துவக்கம்
  
• பக்தர்களின் பாதுகாப்புக்கு முன்னுரிமை : புதிய எஸ்.பி. பேட்டி
  
• திருவனந்தபுரம் மதுக்கடையில் ஆயிரம் ரூபாய் கள்ள நோட்டுகளுடன் மே.வங்கத்தை சேர்ந்த 2 பேர் கைது
  
• மனைவி, 2 குழந்தையை கொன்ற செக்யூரிட்டிக்கு மரண தண்டனை : கர்நாடக கோர்ட் அதிரடி
  
• சிபிஐ இயக்குனர் நியமன விவகாரம் : ஜெத்மலானி மீது ஒழுங்கு நடவடிக்கை