சித்தூர்: எட்டு மாத கர்ப்பிணியை 4 பேர் கொண்ட கும்பல் பாலியல் பலாத்காரம் செய்து கொடூரமாக கொலை செய்துள்ளது. இதுதொடர்பாக 3 பேரை பிடித்து போலீசார் விசாரணை நடத்தி வருகின்றனர். சித்தூர் அருகே நடந்துள்ள இச்சம்பவம் பெரும் பரபரப்பை ஏற்படுத்தி உள்ளது. சித்தூர் அடுத்த குடிபாலா மண்டலம் சீலப்பள்ளி கிராமத்தை சேர்ந்தவர் நித்தியானந்தம் (30). இவர், வேலூரில் உள்ள தனியார் நிறுவனத்தில் வேலை செய்கிறார். இவருடைய மனைவி நதியா (24) 8 மாத கர்ப்பிணியாக இருந்தார். இவர் அங்கன்வாடி ஆசிரியராக பணிபுரிந்தார். பிரசவத்துக்காக நதியா சில நாட்களுக்கு முன்பு தாளம்பேடுவில் உள்ள தாய் வீட்டுக்கு வந்தார்.

வீட்டுக்கு அருகே உள்ள விவசாய நிலம் வழியாக நேற்று சென்ற நதியாவை 4 பேர் திடீரென வழிமறித்து வாயை பொத்தி அருகே உள்ள முட்புதருக்கு தூக்கி சென்றனர். அங்கு 4 பேரும் நதியாவை பலாத்காரம் செய்ததாக கூறப்படுகிறது. விஷயம் ஊருக்கு தெரிந்துவிடுமோ என பயந்து நதியாவின் கழுத்து இறுக்கி கொலை செய்தனர். அப்போது எதிர்பாராதவிதமாக அங்கு வந்த நதியாவின் கணவர் நித்தியானந்தம், முட்புதர் அருகே 4 பேர் நிற்பதை பார்த்துள்ளார். கும்பலில் இருந்த ஒருவன் உடனே கத்தியை காட்டி மிரட்டி திரும்பி செல்லுமாறு நித்தியானந்தத்தை எச்சரித்தான்.

சந்தேகம் அடைந்த அவர், ஊருக்கு சென்று கிராமத்தினரை அழைத்து வந்தார். அங்கு நதியா பலாத்காரம் செய்யப்பட்டு கொலை செய்து கிடந்ததை கண்டு கதறி அழுதார். தகவல் அறிந்து சித்தூர் மேற்கு காவல் நிலைய இன்ஸ்பெக்டர் ஸ்ரீகாந்த் மற்றும் போலீசார் விரைந்து வந்து நதியாவின் சடலத்தை கைப்பற்றி பிரேத பரிசோதனைக்காக சித்தூர் அரசு மருத்துவமனைக்கு அனுப்பி வைத்தனர். நதியாவை பலாத்காரம் செய்து கொன்றதாக அதே பகுதியை சேர்ந்த பழனி என்பவர் வீட்டை கல் வீசி தாக்கினர்.

அவர்களை கைது செய்ய கோரி கிராம மக்கள் கோஷமிட்டனர். இதையடுத்து போலீசார், அதே கிராமத்தை சேர்ந்த மணவாளன், குபேந்திரன், கருணாநிதி ஆகிய 3 பேரை பிடித்து விசாரணை நடத்தி வருகின்றனர். நதியா கொலை செய்யப்பட்டதற்கு அங்கன்வாடி ஊழியர் சங்கத்தினர் மற்றும் பல்வேறு மகளிர் அமைப்பினர் கடும் எதிர்ப்பு தெரிவித்தனர். இந்த சம்பவம் அப்பகுதியில் பெரும் பரபரப்பையும், சோகத்தையும் ஏற்படுத்தி உள்ளது.

• புதுப்பெண்ணுக்கு தொல்லை கல்லூரி ஆசிரியர் கைது
  
• கள்ளத்தொடர்பால் பயங்கரம் மாமனார் வீட்டுக்கு விருந்துக்கு வந்த புதுமாப்பிள்ளை சரமாரி குத்தி கொலை
  
• சப்-இன்ஸ்பெக்டர் வீட்டில் கள்ள துப்பாக்கி பறிமுதல்
  
• விடுதி பெண்களுக்கு பாலியல் தொல்லை: சஸ்பெண்ட் செய்யப்பட்ட போலீசாரிடம் விசாரணை
  
• ஆட்டோ டிரைவர் கொலை: கைதான கார் டிரைவர் பரபரப்பு வாக்குமூலம்
  
• வீடு புகுந்து பெண்ணிடம் செயின் பறிக்க முயன்ற 3 பேர் சிக்கினர்
  
• கணவனை விட்டு தர மனைவியிடம் ரூ10 லட்சம் பேரம் பேசிய கள்ளக்காதலி
  
• நள்ளிரவு சோதனையில் சிக்கிய சந்தன கட்டையில் 28 கிலோ மாயம்
  
• மதுரையை கலக்கிய கொள்ளையர்கள் கைது: 514 பவுன் நகைகள் மீட்பு
  
• சாவு ஊர்வலத்தில் ரவுடி கொலை சிறையில் கொலை திட்டம்: திடுக் தகவல்