சென்னை: டாஸ்மாக் மதுபானங்களின் விலை ரூ.5 உயர்கிறது. இதன் மூலம் ஆண்டுக்கு ரூ.720 கோடி கூடுதல் வருவாய் கிடைக்கும். தமிழகத்தில் மதுக்கடைகளை டாஸ்மாக் நிறுவனம் நடத்தி வருகிறது. இதன் மூலம் ஆண்டுக்கு ரூ.18 ஆயிரம் கோடி கிடைக்கிறது. மாநிலத்தில் 6,820 டாஸ்மாக் கடைகள் உள்ளன. கடை விற்பனையாளர்கள், மேற்பார்வையாளர்கள், மது பாட்டில்களில் ஒட்டப்பட்டுள்ள அதிகப்பட்ச சில்லறை விற்பனை விலையை காட்டிலும் அதிக விலைக்கு விற்பதாக தொடர்ந்து புகார்கள் வருகின்றன. அதிக விலை விற்பவர்கள் மீது அதிகாரிகளும் நடவடிக்கை எடுத்து வருகின்றனர். எனினும், அதிக விலைக்கு விற்பதை நிர்வாகத்தால் தடுக்க முடியவில்லை. மது பாட்டில்களின் விலை ரூ.65, ரூ.75, ரூ.85 என இப்போதுள்ளது. இதனால் மது வாங்குபவர்களுக்கு சில்லறை பிரச்னையில் 5 ரூபாய் வழங்குவதில்லை என்ற குற்றச்சாட்டும் உள்ளது. இந்த பிரச்னைக்கு தீர்வு காண எல்லா டாஸ்மாக் கடைகளிலும் 2 மாதத்துக்குள் பில்லிங் மிஷின் வழங்கப்பட உள்ளது. பில்லிங் மிஷின் நடைமுறைக்கு வரும் போது, மது பாட்டில்களின் விலைகளை, ரூ.70, ரூ.80, ரூ.90 என மாற்றி அமைக்க நிர்வாகம் முடிவு செய்துள்ளது. இதன்மூலம் குடிமகன்களுக்கு விற்பனையாளர்கள் சில்லறை வழங்க பிரச்னை இருக்காது என்று அதிகாரிகள் கூறுகின்றனர்.

மதுக்கடைகளில் ரூ.5 சில்லறை இல்லை என்று சொல்ல கூடாது என்பதற்காக, குவாட்டர், ஆப், புல் பாட்டில்களின் விலையை ரூ.5 உயர்த்த டாஸ்மாக் நிறுவனம் முடிவு செய்துள்ளது. இன்னும் இந்த விலை உயர்வு நாளை முதல் அமலுக்கு வரும் என்று கூறப்படுகிறது.  சாதாரண குவாட்டர் ரூ.65க்கு விற்கப்படுகிறது. இனி ரூ.70 ஆக உயரும். நடுத்தர மது குவாட்டர் பாட்டில் ரூ.75க்கு விற்கப்படுகிறது இனி ரூ.80க்கு விற்கப்படும். ரூ.85க்கு அதிகமாக விற்கப்படும் மது, பிரிமியம் வகை எனப்படுகிறது. இவை ரூ.85க்கு பதில் ரூ.90க்கு விற்கப்படும். மார்பியஸ், எம்ஜிஎம், அப்சல்ஸ் உள்ளிட்ட பிராந்தி வகைகள், குவாட்டர் பாட்டில் விலையும் ரூ.5 கூடுகிறது. இதேபோல் ஆப் மற்றும் புல் பாட்டில்களுக்கும் ரூ.5 விலை கூடுகிறது. விலை உயர்வால் ஆண்டுக்கு ரூ.720 கோடி டாஸ்மாக்குக்கு வருவாய் கூடும் என்று தகவல்கள் தெரிவிக்கின்றன.

• பாலியல் குற்றங்களுக்கான தண்டனை நீதிபதி ஜே.எஸ்.வர்மா பரிந்துரைக்கு திமுக தலைவர் கருணாநிதி வரவேற்பு
  
• ‘தி லேண்டன் லைட்’ ஷோரூமில் மின்விளக்கு சிறப்பு விற்பனை
  
• மானியம் கிடைக்காவிட்டால் உயிரை விட வேண்டியதுதான் : கலெக்டரிடம் விவசாயிகள் கண்ணீர்
  
• மத்திய அமைச்சரை கண்டித்து திருவள்ளூரில் பாஜ ஆர்ப்பாட்டம்
  
• தம்பிக்கு திதி கொடுத்த நாளில் அண்ணன் லாரி மோதி பலி : பெற்றோர் கதறல்
  
• சென்னை அருகே வானகரத்தில் விஜயகாந்த் தலைமையில் தேமுதிக பொதுக்குழு கூடியது
  
• தாசில்தார் மீது செக்ஸ் புகார் கூறிய பெண்ணுக்கு ஆண் குழந்தை பிறந்தது : டிஎன்ஏ சோதனை நடத்த திட்டம்
  
• நாளை குடியரசு தின விழா மெரினாவில் கோலாகல ஏற்பாடு : கவர்னர் ரோசய்யா தேசிய கொடி ஏற்றுகிறார்
  
• அரசு பஸ்களுக்கு வழங்கப்படும் டீசல் விலை உயர்வை வாபஸ் பெறாவிட்டால் சுப்ரீம் கோர்ட்டில் வழக்கு தொடருவோம் : ஜெயலலிதா
  
• கால்வாயில் கொட்டி கிடந்த சாக்லேட், பிஸ்கட்களை தின்ற சிறுவர், சிறுமிகளுக்கு வாந்திபேதி