வாஷிங்டன்: கணவன் பெயரில் இருக்கும் இன்சூரன்ஸ் தொகை ரூ.96 லட்சத்துக்கு ஆசைப்பட்டு அவரை கொலை செய்து எரித்த அமெரிக்க பெண் சிக்கினார். 36 ஆண்டுகளுக்கு ஜாமீனில் வெளிவர முடியாத வழக்கில் அவர் கைது செய்து சிறையில் அடைக்கப்பட்டார். அமெரிக்காவின் டெக்சாஸ் மாநிலத்தை சேர்ந்தவர் ஷரோன் மேக்ஸ்வெல் (44). இவர் ஏற்கனவே 9 ஆண்களை மணந்து அவர்களை விவாகரத்து செய்தவர். இந்நிலையில் அமெரிக்காவின் ஓர்சிட்டி பகுதியில் வசித்த கார்டன் மேக்ஸ்வெல் (46) என்பவரை கடந்த ஆண்டில் 10வதாக  திருமணம் செய்து கொண்டார். இந்நிலையில் கணவர் பெயரில் பெரும் தொகைக்கான பாலிசி இருப்பதை ஷரோன் அறிந்து கொண்டார். அதனை கைப்பற்றும் நோக்கில் இருந்த அவர் கணவரை கொலை செய்து எரித்துவிட்டார். ஆனால், தன் 19 வயது மகன் சுட்டுக் கொன்றுவிட்டு தப்பிவிட்டதாக போலீசில் பொய் புகார் கொடுத்தார்.

விசாரணையின்போது முன்னுக்குப்பின் முரணாக தகவலளித்த ஷரோன் மீது போலீசாருக்கு சந்தேகம் வலுத்தது. அவர்கள் ஷரோனிடம் மேற்கொண்ட தொடர் விசாரணையில் உண்மை வெளியாகி உள்ளது. இறுதியில், பணத்துக்கு ஆசைப்பட்டு கணவரை கொலை செய்ததை ஷரோன் ஒப்புக்கொண்டார். அவர் மீது வழக்கு பதிவு செய்யப்பட்டு கோர்ட்டில் விசாரணை நடந்தது. கணவர் கார்டன் பெயரில் ரூ.96 லட்சம் மதிப்பில் இன்சூரன்ஸ் பாலிசி இருப்பதை சுருட்டும் நோக்கில்தான் கொலை செய்தார் என்பது ஆதாரப்பூர்வமாக நிரூபணமானது. இதையடுத்து, 2048ம் ஆண்டு வரை ஜாமீனில் வெளிவர முடியாத பிரிவில் ஷரோன் கைது செய்யப்பட்டு சிறையில் அடைக்கப்பட்டுள்ளார். ரூ.5.5 லட்சம் அபராதமும் விதிக்கப்பட்டது.

• பிரச்னையில் இருந்து தப்பிக்க முதலைகளுக்கு நடுவில் குதித்து தாய்லாந்து பெண் தற்கொலை
  
• ரூ.10 கோடி வைரங்களை விழுங்கிய சீன ஆசாமி: இலங்கையில் சிக்கினார்
  
• இங்கிலாந்துக்குள் நுழைய முயற்சி துருக்கியில் படகு கவிழ்ந்து 60 பேர் பரிதாப பலி
  
• உலகில் சீனியர்.. பர்த்டேயில் உற்சாகம் சிக்கன், வாத்து கறி ரவுண்டு கட்டிய ‘127’ பாட்டி
  
• ‘நிர்வாண ஹாரியை காப்பாத்து’ கார்ட்டூன் கேம் வெளியீடு
  
• மத்திய அமெரிக்க நாடான கோஸ்டா ரிகாவில் பூகம்பம் சுனாமி எச்சரிக்கையால் பீதி
  
• உலக வங்கி துணை தலைவராக இந்தியாவின் கவுசிக் பாசு நியமனம்
  
• மைனர் பெண்ணுக்கு பாலியல் துன்புறுத்தல்: அமெரிக்காவில் இந்திய டாக்டர் கைது
  
• இளவரசிக்கு ‘நோஸ் கட்’ கைகுலுக்க வீரர் மறுப்பு
  
• புகை, மதுவை நிறுத்தினால் ஆயுள் 6 ஆண்டு அதிகரிக்கும்