| |||||
|
2012
24
Jul புதுடெல்லி: டெல்லி ஜந்தர்மந்தரில் அன்னா ஹசாரே குழுவினர் நாளை முதல் காலவரையற்ற உண்ணாவிரதம் தொடங்குகின்றனர். பிரதமர் மன்மோகன் சிங் உள்பட 14 அமைச்சர்கள் மீது அன்னா ஹசாரே குழுவினர் ஊழல் குற்றச்சாட்டுகளை கூறினர். இது குறித்து விசாரிக்க சிறப்பு புலனாய்வு குழுவை அமைக்க வலியுறுத்தி நாளை முதல் டெல்லி ஜந்தர் மந்தரில் காலவரையற்ற உண்ணாவிரதம் தொடங்குகின்றனர். இது குறித்து ஊழலுக்கு எதிரான இந்தியா அமைப்பின் ஒருங்கிணைப்பாளர் அஸ்வதி முரளிதரன் கூறுகையில், அன்னா ஹசாரே உடல் நிலையை கருத்தில் கொண்டு அவர் உண்ணாவிரதம் இருக்கவில்லை. இருப்பினும் மேடையில் அவர் இருப்பார். உண்ணாவிரதத்துக்கு அரவிந்த் கெஜ்ரிவால் தலைமையேற்கிறார். மனீஷ் சிசோடியா, கோபால் ராய் உள்ளிட்டோர் பங்கேற்கின்றனர். ராம்தேவுக்கும் அழைப்பு விடுக்கப்பட்டுள்ளது. உண்ணாவிரதத்தில் கலந்து கொள்ள 4000க்கும் மேற்பட்டோர் பதிவு செய்திருக்கிறார்கள். அவர்களுக்கான வசதிகள் செய்யப்பட்டு வருகிறது என்றார். 
மேலும் சில
| |
பிரதி எடுக்க
