மதுரை: இமயமலையிலிருந்து கொண்டு வரப்பட்டுள்ள ஸ்படிக லிங்கம் மதுரை மீனாட்சி அம்மன் கோயிலில் மார்ச் 16 முதல் பக்தர்கள் வழிபாட்டுக்காக சுவாமி சன்னிதியில் வைக்கப்படுகிறது. இதுகுறித்து அறங்காவலர் குழுத்தலைவர் கருமுத்து கண்ணன் நிருபர்களிடம் கூறியதாவது: ‘ஸ்படிக லிங்கம் என்பது நடராஜரின் பிரதி பிம்பமாக கருதப்பட்டு வணங்கப்படுவது. மதுரை மீனாட்சி அம்மன் கோயிலுக்கு உபயதாரரால் 7.5 லட்ச ரூபாய் மதிப்புள்ள 6 இன்ச் உயர ஸ்படிக லிங்கம் வழங்கப்பட்டுள்ளது. இமயமலையில் இருந்து கொண்டு வரப்பட்ட இந்த ஸ்படிக லிங்கம் கோயிலில் பாதுகாப்பாக வைக்கப்பட்டிருந்தது.பக்தர்களின் தரிசனத்திற்காக மார்ச் 16 முதல் சுவாமி சன்னதி கருவறையில் ஸ்படிக லிங்கம் வைக்கப்படும். தினமும் காலை, மாலை இருவேளை மட்டும் பக்தர்கள் ஸ்படிக லிங்கத்தை வழிபடலாம். இதற்கான பூஜைகள் மார்ச் 15 மாலை முதல் யாகசாலை அமைத்து துவங்கப்படுகிறது.

ஸ்படிக லிங்கத்தை வைப்பதற்காக தாமிரத்தால் செய்யப்பட்டு 516 கிராம் அளவில் தங்க தகடு ஒட்டப்பட்ட பெட்டி செய்யப்பட்டுள்ளது. மேலும் ஸ்படிக லிங்கத்திற்கு அபிஷேகம் செய்வதற்காக 12 கிலோ எடையுள்ள அபிஷேக பீடமும் செய்யப்பட்டுள்ளது. ஸ்படிக லிங்கத்தில் சந்தனப் பொட்டு வைத்து பின்புறத்தில் லிங்கத்தை பார்த்தால் மஞ்சள் நிறமாக ஜொலிப்பது சிறப்பு அம்சமாகும்.சுவாமி சன்னதியில் உள்ள கொடி மரம் விரைவில் மாற்றப்பட இருக்கிறது. இதற்காக மரம் தேர்வு செய்யப்பட்டு கொண்டு வரப்பட்டுள்ளது. கோயில் நிர்வாகத்திற்கு உட்பட்ட வண்டியூர் மாரியம்மன் கோயில் மற்றும் காலபைரவர் கோயிலில் மார்ச் 24ல் கும்பாபிஷேகம் நடைபெறுகிறது. கொந்தகை பெருமாள் கோயிலில் ஏப்ரல் 21ம் தேதி  கும்பாபிஷேகம் நடைபெறும். இவ்வாறு கருமுத்து கண்ணன் கூறினார்.

• அதிமுகவுடன் தேமுதிக உடன்பாடு? : 4 தொகுதிகள் பெற சம்மதம்
  
• திமுக கூட்டணிக்கு 14 கட்சிகள் ஆதரவு
  
• ‘’சோதனைகளை உறுதியுடன் எதிர்கொள்ள வேண்டும்’’ முதல்வர், அரசியல்கட்சி தலைவர்கள் சர்வதேச மகளிர் தின வாழ்த்து
  
• திமுக - அதிமுகவுடன் மாறி மாறி கூட்டணி பேச்சுவார்த்தை: தேமுதிக தொண்டர்களே கடுப்பு; சமூக வலைதளங்களில் சரவெடி
  
• எம்ஜிஆர், சிவாஜியுடன் நடித்த நடிகை குசலகுமாரி காலமானார்
  
• அமமுகவில் இருந்து முன்னாள் அமைச்சர் விலகல்: மீண்டும் அதிமுகவில் இணைந்தார்
  
• 7 தமிழர்களை விடுவிக்க வேண்டும்: பிரதமரிடம் ராமதாஸ் நேரில் மனு
  
• பிரதமர் பாதுகாப்புக்கு சென்று திரும்பியபோது ரயில் மோதி போலீஸ்காரர் சாவு
  
• ரூ.25 ஆயிரம் மானியம் வழங்குவதற்கு ரூ.10,000 லஞ்சம் வாங்கும் அதிகாரிகள்: அமைச்சர் செங்கோட்டையன் பகிரங்க குற்றச்சாட்டு
  
• உழவர்களுக்கு டிராக்டர்கள்: பி.எம்.நரசிம்மன் எம்எல்ஏ வழங்கினார்