| |||||
|
2012
08
May புதுடெல்லி: ஏர் இந்தியா நிறுவனத்தை சேர்ந்த 100 பைலட்கள் இன்று திடீரென மருத்துவ விடுப்பில் சென்றனர். இதனால் டெல்லியிலிருந்து வெளிநாடுகளுக்கு செல்லவேண்டிய 5 விமானங்கள் ரத்து செய்யப்பட்டன. பைலட்களின் இந்த திடீர் வேலை நிறுத்த போராட்டத்தில் நாடு முழுவதும் 250 பைலட்கள் கலந்து கொள்ளவிருப்பதாக தகவல் வெளியாகியுள்ளது. ஏர்இந்தியா நிறுவனம் கடும் நிதி நெருக்கடியில் சிக்கி தவித்து வருகிறது. மத்திய அரசு அவ்வப்போது நிதி உதவி அளித்து வருவதால் ஓரளவு சமாளித்து வருகிறது. நிதி நெருக்கடியுடன் ஏர்இந்தியா மற்றும் இந்தியன் ஏர்லைன்ஸ் இணைப்பு விவகாரமும் நிர்வாகத்துக்கு பல பிரச்னைகளை ஏற்படுத்தி வருகிறது. ஏர்இந்தியா பைலட்களுக்கு கூடுதல் சம்பளம் வழங்கப்படுவதாக இந்தியன் ஏர்லைன்ஸ் பைலட்கள் குற்றம் சாட்டி வருகின்றனர். ஏர்இந்தியாவில் புதிதாக வாங்கப்படும் போயிங் 777 விமானங்களை ஓட்டுவதற்கான பயிற்சி இந்தியன் ஏர்லைன்ஸ் பைலட்களுக்கு மட்டும் வழங்கப்படுவதாக ஏர்இந்தியா பைலட்கள் குற்றம் சாட்டி வருகின்றனர். தற்போது இந்தப் பிரச்னைக்காகவே ஏர்இந்தியா பைலட்கள் 100 பேர் இன்று காலை ஒரே நேரத்தில் மருத்துவ விடுப்பு எடுத்துள்ளனர். 
மேலும் சில
| |
பிரதி எடுக்க
