புதுச்சேரி :பிரான்ஸ் அதிபர் தேர்தலுக்கு புதுவையில் இன்று வாக்குப் பதிவு நடந்தது. பிரான்ஸ் நாட்டில் ஜனாதிபதி தேர்தல் 2 கட்டமாக நடக்கிறது. பிரான்ஸ் அதிபர் சர்கோசி இரண்டாவது முறையாக தேர்தலில் போட்டியிடுகிறார். அவரை எதிர்த்து சோசலிஸ்ட் கட்சி வேட்பாளர் பிரான்கோசிஸ் ஹோலன்டே மற்றும் 8 பேர் களத்தில் உள்ளனர். இதன் முதல் கட்ட தேர்தல் இன்று நடைபெறுகிறது. புதுவையில் உள்ள பிரான்ஸ் குடியுரிமை பெற்றவர்கள் வாக்களிக்க வசதியாக புதுவையில் 4 வாக்குச் சாவடிகள் அமைக்கப்பட்டு உள்ளன. பிரான்ஸ் தூதரக அலுவலகத்தில் 2 வாக்குச் சாவடிகள், பிரெஞ்சு இன்ஸ்டிடியூட் மற்றும் விஜய் பிரான்சிஸ் பள்ளியில் தலா ஒரு வாக்குச் சாவடியும் அமைக்கப்பட்டுள்ளது. புதுவையில் பிரான்ஸ் குடியுரிமை பெற்ற 5,259 பேர் வாக்களிக்க தகுதி பெற்றவர்கள். இன்று காலை 8 மணிக்கு வாக்குப் பதிவு தொடங்கியது. மாகே, ஏனாம் மற்றும் சென்னையில் வசிக்கும் பிரான்ஸ் குடியுரிமை பெற்றவர்கள் வாக்களிக்க,  சென்னையில் ஒரு வாக்குப் பதிவு மையமும், காரைக்காலில் ஒரு வாக்கு பதிவு மையமும் அமைக்கப்பட்டுள்ளது. இன்றைய தேர்தலில் அதிக வாக்குகள் பெறும் இருவர் அடுத்த கட்டமாக மே 6ம் நடக்கும் 2ம் கட்ட தேர்தலுக்கு தகுதி பெறுவர். பிரான்ஸ் முழுவதும் 4.4 கோடி வாக்காளர்கள் உள்ளனர்.

• வெற்றிலையை பிரபலப்படுத்த நடவடிக்கை எடுக்கப்படுமா?
  
• மின் கட்டணம் செலுத்துவது பழைய முறைக்கு மாற்றப்படுமா?
  
• வி.கே.சிங்கின் பதவியை பறிக்கக் கோரி வழக்கு போட்டவருக்கு ரூ.1 லட்சம் அபராதம்
  
• நடப்பாண்டில் ரூ.4 ஆயிரம் கோடி பயிர்க்கடன்
  
• கூட்டுறவு துறையில் காலி பணியிடங்கள் விரைவில் நிரப்பப்படும் : அமைச்சர் உறுதி
  
• நடிகர் வீட்டில் பிரிட்ஜ் வெடித்து தீ : 55 சவரன் நகை நாசம்
  
• சட்டீஸ்கரில் கலெக்டர் கடத்தல் : பிரதமருக்கு வைகோ கடிதம்
  
• கடத்தப்பட்ட கலெக்டரை மீட்க கோரி நெல்லை கலெக்டரிடம் உறவினர்கள் கண்ணீர் மனு
  
• சென்னையில் நாளை மின்தடை செய்யப்படும் இடங்கள்
  
• போலி கார்டுகளை ஒழிக்க எலக்ட்ரானிக் ரேஷன் கார்டு