திருப்பூர் : திருப்பூர் காங்கயம் ரோடு மணியகாரன்பாளையத்தில் ஊராட்சி ஒன்றிய நடுநிலைப்பள்ளி உள்ளது. 450 மாணவ, மாணவிகள் படிக்கின்றனர். பள்ளி நேரத்தில், மாணவ, மாணவிகளை பள்ளி வளாகம் மற்றும் கழிவறையை சுத்தம் செய்வது உள்ளிட்ட பணிகளில் ஆசிரியர்கள்  ஈடுபடுத்துவதாக பெற்றோர் குற்றம்சாட்டி உள்ளனர். மாணவிகள் காலை பள்ளிக்கு வந்தவுடன் வகுப்பறைகள் மற்றும், பள்ளி வளாகத்தை சுத்தம் செய்வது முதல் வேலையாக உள்ளது. தண்ணீர் பிடித்து வைப்பது, கழிவறைக்கு தண்ணீர் எடுத்து ஊற்றுவது, சுத்தம் செய்வது உள்ளிட்ட வேலைகளை செய்ய வைப்பதாக மாணவர்கள் தெரிவிக்கின்றனர்.

பள்ளி நிர்வாகத்தினர் கூறுகையில், ‘‘பள்ளிக்கென தனியாக ஆயா, வாட்ச்மேன் கிடையாது. வகுப்பறை சுத்தம் செய்யும் பணியை, மாணவர்கள் விருப்பத்துடன்தான் மேற்கொள்கின்றனர். மாணவர்கள் ஒத்துழைப்புடன், பள்ளியை சுத்தமாக வைத்திருக்கிறோம். மாணவர்களின் படிப்பு இதனால் கெடுவதில்லை’’ என்று கூறினர்.கல்வி அதிகாரி ஒருவர் கூறுகையில், ‘‘பள்ளி நேரத்தில், எந்த மாணவரையும் ஆசிரியர்கள் வேலை செய்ய வற்புறுத்த கூடாது என்று தெளிவாக அறிவுறுத்தப்பட்டுள்ளது. தற்போது, பெற்றோர் தரப்பில் தெரிவிக்கப்படும் புகார் குறித்து, சம்பந்தப்பட்ட பள்ளியில் ஆய்வு செய்யப்படும். வகுப்பு நேரத்தில், மாணவர்கள் வேலை செய்வது தெரியவந்தால், சம்பந்தப்பட்ட ஆசிரியர் மீது நடவடிக்கை எடுப்பது குறித்து, உயர் அதிகாரிகளுக்கு தகவல் தெரிவித்து முடிவு செய்யப்படும்’’ என்றார்.

• தி.நகர் கடைகள் சீல் வைக்கப்பட்ட விவகாரம் : மேலும் 2 மாதம் அவகாசம்
  
• பெண்ணிடம் செயின் பறிக்க முயன்ற கண்டக்டருக்கு பொதுமக்கள் தர்ம அடி
  
• மின் கட்டண உயர்வை கண்டித்து தமிழகம் முழுக்க 15-ல் திமுக பொதுக்கூட்டம்
  
• பள்ளி ஆசிரியை கடத்திய வழக்கு : மாணவனை பெற்றோருடன் அனுப்ப ஐகோர்ட் உத்தரவு
  
• பள்ளிகளில் நீதிபோதனை : கல்வி துறைக்கு ஐகோர்ட் உத்தரவு
  
• பன்றிக் காய்ச்சல் : அரசு மருத்துவமனைகளில் ஸ்பெஷல் வார்டுகள்
  
• வினோத்குமாரின் தந்தை பணம் கேட்டு மிரட்டுகிறார் : அல்போன்சா
  
• ரேஷன் கடை ஊழியர்கள் 8ம் தேதி உண்ணாவிரதம்
  
• டிஎன்பிஎஸ்சி 13 பதவிகளுக்கான போட்டி தேர்வு அறிவிப்பு
  
• தமிழகத்தில் ரூ.24 கோடி கள்ளச்சாராயம் அழிப்பு