திருமலை: விழுப்புரம் மாவட்டம் தியாகதுருகம் பகுதியை சேர்ந்தவர் விஜயகுமார் (26), அதே பகுதியை சேர்ந்தவர் திலீபா (25). இவர்கள் 5 வருடங்களாக காதலித்து வந்துள்ளனர். காதல் விவகாரம் தீலிபா வீட்டுக்கு தெரிய வந்தது. அவர்கள் கடும் எதிர்ப்பு தெரிவித்தனர். ஆனால் விஜயகுமார் வீட்டில் காதலுக்கு பச்சைக் கொடி காட்டினர். இதனால் விஜயகுமார், அவரது பெற்றோருடன் சென்று திலீபா வீட்டில் முறைப்படி பெண் கேட்டுள்ளார். ஆனால் அவர்கள் மறுத்துவிட்டனர். இந்நிலையில் வீட்டை விட்டு வெளியேறிய திலீபா, விஜயகுமார் வீட்டுக்கு வந்தார். விஜயகுமாரின், திலீபாவுக்கும் திருமணம் செய்ய விஜயகுமார் பெற்றோர் முடிவு செய்தனர். இதற்காக நேற்றுமுன்தினம் திருமலைக்கு வந்தனர்.

திருமலை சுதர்சன சத்திரத்தில் உள்ள புரோகிதர் சங்கத்தில் திருமண ஏற்பாடு நடந்தது. நேற்று மாப்பிள்ளை அலங்காரத்தில் விஜயகுமார், மணமேடையில் பெண்ணுக்காக காத்திருந்தார். தாலிகட்ட 10 நிமிடம் இருக்கும்போது, திடீரென பெண்ணின் பெற்றோர், உறவினர்கள் கும்பலாக வந்தனர். அவர்கள் விஜயகுமாரை சரமாரியாக அடித்து, உதைத்தனர்.

இதனால் இருதரப்புக்கும் கைகலப்பு ஏற்பட்டது. இதுகுறித்து தகவலறிந்ததும், திருமலை போலீசார் விரைந்து வந்து இருவீட்டாரையும் சமரசம் செய்தனர். இருவரும் மேஜர் என்பதால் திருமணத்தை தடை செய்ய முடியாது. எனவே அவர்கள் விருப்பப்படி திருமணம் செய்து வையுங்கள் என பெற்றோருக்கு அறிவுரை கூறி அவர்களை சொந்த ஊருக்கு அனுப்பி வைத்தனர். இந்த சம்பவத்தால் அப்பகுதியில் பரபரப்பு ஏற்பட்டது.

• ஸ்பெக்ட்ரம் வழக்கில் 5 பேருக்கு ஜாமீன் : சுப்ரீம் கோர்ட் உத்தரவு
  
• அதிக பணம் வைத்திருந்ததாக மும்பை விமான நிலையத்தில் 2 நடிகர்கள், பெண்ணுடன் கைது
  
• மக்களவையில் எதிர்க்கட்சிகள் அமளி முதல் நாளே அவை ஒத்திவைப்பு
  
• பெங்களூர் கோர்ட்டில் : 3வது முறையாக ஜெயலலிதா ஆஜர்!
  
• சில்க் ஸ்மிதா வாழ்க்கை படத்துக்கு ‘ஏ’ சர்டிபிகேட் கேட்ட இயக்குனர்
  
• நாடாளுமன்ற கூட்ட தொடர் நாளை தொடங்குகிறது விலைவாசி, கருப்பு பண பிரச்னைகள் புயலை கிளப்ப எதிர்க்கட்சிகள் திட்டம்
  
• வடகிழக்கு மாநிலங்களில் நிலநடுக்கம்
  
• பேராசிரியர் கொலை வழக்கின் முக்கிய குற்றவாளி மர்ம சாவு
  
• நிலநடுக்கத்தால் பாதிப்பா? முல்லை பெரியாறு அணையை கேரள அமைச்சர் இன்று ஆய்வு!
  
• நாடாளுமன்ற கூட்டத்தொடர் நாளை துவக்கம்!