சாம்பியன்லீக் 20-20ல் நேற்று நடந்த கடைசி லீக் ஆட்டத்தில் பெங்களூர் - தெற்கு ஆஸி. மோதின. முதலில் பேட் செய்த தெற்கு ஆஸி. 2 விக்கெட் இழப்புக்கு 214 ரன்கள் குவித்தது. துவக்க வீரரான ஹாரிஸ் 61 பந்தில் 2 சிக்சர், 17 பவுண்டரியுடன் 108 ரன்கள் விளாசினார். பெர்கூசன் 43 பந்தில் 3 சிக்சர், 4 பவுண்டரியுடன் 70 ரன்னும், கிறிஸ்டியன் 9 பந்தில் 6 பவுண்டரியுடன் 27 ரன்னும் எடுத்தனர். பெங்களூர் தரப்பில் சையதுமுகமது, பத்கல் தலா 1 விக்கெட் கைப்பற்றினர். தொடர்ந்து ஆடிய பெங்களூரும் அதிரடியில் மிரட்டியது. கெய்ல் 26 ரன்னில் வெளியேறினார்.

தில்ஷானும், கோக்லியும் பவுண்டரியும், சிக்சருமாக விளாசினர். கோக்லி 36 பந்தில் 6 சிக்சர், 4 பவுண்டரியுடன் 70 ரன்கள் குவித்து டெய்ட் பந்தில் ஆட்டமிழந்தார். 12 பந்துகளுக்கு 18 ரன்கள் தேவைப்பட்ட நிலையில் டெய்ட் மளமளவென விக்கெட்டுகளை வீழ்த்தி கிலி கொடுத்தார். தில்ஷான் 74, வெட்டோரி 8, பத்கல் 1 என ஒரே ஓவரில் 3 விக்கெட்டை சாய்த்தார்.

கடைசி ஓவரில் 2வது பந்திலும் விக்கெட் வீழ்ந்ததால் ஆட்டம் பரபரப்பின் உச்சத்திற்கு சென்றது. கடைசி ஒரு பந்தில் 6 ரன்கள் தேவைப்பட்ட நிலையில் அருண்கார்த்திக் இமாலய சிக்சர் அடித்து வெற்றிபெற செய்தார். முடிவில் 8 விக்கெட் இழப்புக்கு 215 ரன் எடுத்து பெங்களூர் அணி அபார வெற்றி பெற்று அரையிறுதிக்குள் நுழைந்தது. ஆட்டநாயகன் விருதை கோக்லி தட்டி சென்றார்.

கேப்டன்ஸ் கார்னர்

வெட்டோரி: ஆட்டம் வியக்கத்தக்க வகையில் இருந்தது. இந்த மைதானத்தில் எவ்வளவு கடினமான இலக்கையும் அடைய முடியும். எதிரணியில் உள்ள ஹாரிஸ், பெர்கூசன், கிறிஸ்டியன் ஆகியோர் அருமையாக ஆடி ரன் சேர்த்தனர். பனிப்பொழிவு பேட்டிங்கிற்கு சாதகமாக இருந்தது.

பெர்கூசன்: 214 ரன்கள் குவித்தும் தோல்வியடைந்தது துரதிருஷ்டவசமானது. டெய்ட் அருமையாக பந்துவீசிய போதும் கோட்டை விட்டுவிட்டோம். கோக்லியும், தில்ஷானும் அதிரடியில் மிரட்டி விட்டனர். பனிப்பொழிவால் பந்துவீச்சில் எங்களது திட்டங்களுக்கு பலன் கிடைக்கவில்லை.

• டைமிங் ஷாட்
  
• பாக். பயிற்சியாளராக விருப்பம்!
  
• பயஸ் ஜோடி தோல்வி!
  
• சூதாட்டத்தில் மேலும் 3 பாக். வீரர்கள்!
  
• அதிரடிக்கு வரிந்து கட்டுகிறது பெங்களூர் - நியூ சவுத்வேல்ஸ்!
  
• டைமிங் ஷாட்
  
• பயஸ் ஜோடி வெற்றி!
  
• அரையிறுதியில் விகாஸ்!
  
• அரையிறுதியில் மோதும் அணிகள்!
  
• டைமிங்ஷாட்