விருத்தாசலம்: விருத்தாசலம் ஒன்றிய குழு கூட்டத்தில் அதிமுக கவுன்சிலர் மொட்டை அடித்துக் கொண்டார். இதற்கு எதிர்ப்பு தெரிவித்து திமுக, தேமுதிக, பாமக உறுப்பினர்கள் வெளிநடப்பு செய்து மறியல் போராட்டத்தில் ஈடுபட்டனர்.விருத்தாசலம் ஒன்றிய குழு கூட்டம் சேர்மன் சுந்தரராஜன் தலைமையில் நேற்று நடந்தது. வட்டார வளர்ச்சி அலுவலர் நாராயணசாமி, மேலாளர் பெரியசாமி ஆகியோர் முன்னிலை வகித்தனர். கூட்டம் தொடங்கியதும் அதிமுக கவுன்சிலர் அருள், ஜெயலலிதாவுக்கு சிறை தண்டனை விதிக்கப்பட்டதற்கு கண்டனம் தெரிவித்து தீர்மானம் நிறைவேற்ற வலியுறுத்தி பேசினார். இதற்கு தேமுதிக கவுன்சிலர் சரவணன் எதிர்ப்பு தெரிவித்தார். இதனால் அதிமுக, தேமுதிக கவுன்சிலர்களுக்கு இடையே வாக்குவாதம் ஏற்பட்டது.

அப்போது அதிமுக கவுன்சிலர் அருள், கூட்ட அரங்கிலேயே மொட்டை அடித்துக் கொண்டார். இதற்கு கடும் எதிர்ப்பு தெரிவித்த திமுக, தேமுதிக, பாமக கவுன்சிலர்கள், ஒன்றிய துணை சேர்மன் வெங்கடேசன் உள்ளிட்டோர் கூட்ட அரங்கில் இருந்து வெளியேறினர். பின்னர் அவர்கள் விருத்தாசலம் - கடலூர் சாலையில் ஒன்றிய அலுவலகம் முன்பு திடீர் சாலை மறியலில் ஈடுபட்டனர். தகவலறிந்த விருத்தாசலம் போலீசார் மறியலில் ஈடுபட்ட கவுன்சிலர்களை சமாதானப்படுத்தினர். இதனால் 15 நிமிடம் போக்குவரத்து தடைப்பட்டது. தொடர்ந்து ஒன்றிய குழு கூட்டம் சுமூகமாக நடந்தது. இச்சம்பவத்தால் அப்பகுதியில் சிறிது நேரம் பரபரப்பு ஏற்பட்டது.

• நீதிக்கு தலைவணங்க வேண்டும் அதிமுகவுக்கு ராமதாஸ் கண்டனம்
  
• காமராஜரின் 40வது ஆண்டு நினைவு நாள் பேரணி: தனபாலன் அறிவிப்பு
  
• இலங்கை கடற்படை சிறைபிடித்த 20 தமிழக மீனவர்களை விடுவிக்க நடவடிக்கை: பிரதமருக்கு ஓ.பன்னீர்செல்வம் கடிதம்
  
• உடலில் வைக்கோலை சுற்றி நேர்த்திக்கடன்: மேலூர் கோயிலில் வினோத திருவிழா: ஆயிரக்கணக்கானோர் குவிந்தனர்
  
• சாய ஆலைகள் இன்று மூடல்
  
• வன்முறையை கட்டுப்படுத்த காவல்துறை தவறிவிட்டது: எச்.ராஜா கண்டனம்
  
• காற்றாலை மின் உற்பத்தி சரிவு: குமரியில் மீண்டும் மின்வெட்டு
  
• ஜெயலலிதா விடுதலை கோரி மீனவர்கள் 3000 பேர் ஸ்டிரைக்
  
• சேலம் மாவட்டத்தில் கனமழை: மின்னல் தாக்கி இருவர் கருகி சாவு: 27 ஆடுகளும் இறந்தன
  
• காமராஜர் சிலை திறப்பு விழாவில் காங்கிரஸ் மீண்டும் வலுபெறும் மல்லிகார்ஜூன கார்கே நம்பிக்கை