பீஜிங்:சீனாவின் தென்மேற்கு மாகாணத்தில் கடந்த சில நாட்களாக கன மழை பெய்து வருகிறது. யுனான் மாகாணத்தில் ஏற்பட்ட நிலச்சரிவில் சிக்கி 6 பேர் பலியாகி உள்ளனர். மேலும் 25 பேரை காணவில்லை.சீனாவின் தென்மேற்கே யுனான் மாகாணத்தில் கடந்த சில நாட்களாக கன மழை பெய்து வருகிறது. இதனால், இந்த மாகாணத்தில் நுஜியாங் ஆற்றில் வெள்ளம் கரை புரண்டு ஓடுகிறது. பல கிராமங்களில் வெள்ளம் புகுந்தது. யுன்லாங் கவுன்டியில் உள்ள மின்சூ கிராமத்தில் நேற்று அதிகாலை 2 மணிக்கு மழை வெள்ளம் சூழ்ந்தது. மேலும், பல்வேறு பகுதிகளில் நிலச்சரிவுகள் ஏற்பட்டன. பியுகோங் கவுன்டியில் உள்ள ஷாவா கிராமத்திலும் நேற்று அதிகாலை 3 மணிக்கு வெள்ளம் சூழ்ந்தது. இப்பகுதிகளில் நிலச்சரிவு ஏற்பட்டு  வீடுகள் இடிந்தன. இதில் 6 பேர் பலியாகி உள்ளனர். மேலும், நுஜியாங் ஆற்றில் அடித்து செல்லப்பட்ட 25 பேரை தேடும் பணி நடைபெறுகிறது. யுனான் பிராந்தியத்தின் பல்வேறு பகுதிகளில் மழை வெள்ளம் மற்றும் நிலச்சரிவு ஏற்பட்டு சேறும் சகதியுமாக காணப்படுகிறது. இதனால் இப்பகுதிகளில் பாதிக்கப்பட்ட மக்களை மீட்கும் பணியில் சுமார் 150 பேர் கொண்ட மீட்பு குழுவினர் ஈடுபட்டு வருகின்றனர்.வெள்ளம் பாதித்த பகுதிகளை சீன கம்யூனிஸ்ட் கட்சி தலைவர் லீ ஹாங்வான் பார்வையிட்டார். பின்னர், பாதிக்கப்பட்ட மக்களுக்கு நிவாரணப் பொருட்களை வழங்கும் பணிகளை ஆய்வு செய்தார்.

• ஐஎஸ் தீவிரவாதிகள் மீது தாக்குதல் : சிரியாவில் குண்டுமழை பொழிகிறது அமெரிக்கா
  
• நேபாள மன்னருக்கு திடீர் மாரடைப்பு
  
• சீன தீவிரவாதிகளுக்கு ஐஎஸ் இயக்கத்தில் பயிற்சி
  
• 24 மணி நேரத்தில் தாக்குதலை நிறுத்தாவிட்டால் பிரான்ஸ் சுற்றுலா பயணியை கொலை செய்து விடுவோம்: ஐஎஸ் மிரட்டல்
  
• கூட்டு பயிற்சிக்காகஈரான் துறைமுகத்தில் 2 சீன போர் கப்பல்கள்
  
• பாகிஸ்தான் தீவிரம் நீர்மூழ்கி கப்பலில் இருந்து தாக்கும் ஏவுகணைகள்
  
• எகிப்தில் குண்டு வெடிப்பு 3 போலீஸ் அதிகாரிகள் பலி
  
• வேட்பாளர்கள் இடையே உடன்பாடு-ஆப்கன் அதிபர் ஆகிறார் அஷ்ரப்
  
• ஐஎஸ் தீவிரவாதிகள் சிறைபிடித்த துருக்கி தூதரக ஊழியர் 49 பேர் விடுவிப்பு
  
• தீவிரவாதத்தை ஒடுக்க எகிப்துக்கு 10 அதிநவீன ராணுவ ஹெலிகாப்டர்கள்: அமெரிக்கா அறிவிப்பு