நாகர்கோவில் பாகிஸ்தான் தீவிரவாதிகள் இலங்கை வழியாக தமிழகத்துக்குள் ஊடுருவலாம் என்று மத்திய உளவுத் துறை எச்சரித்துள்ளது. இதையடுத்து, குமரி மாவட்ட கடலோர பகுதிகளில் நேற்று இரவு முதல் போலீசார் தீவிர கண்காணிப்பில் ஈடுபட்டு உள்ளனர். மும்பையில் கடந்த 2008ம் ஆண்டு கடல் வழியாக உள்ளே நுழைந்த பாகிஸ்தான் தீவிரவாதிகள் நடத்திய தாக்குதலில் நூற்றுக்கணக்கானவர்கள் இறந்தனர். இந்த சம்பவம் நாடு முழுவதும் பெரும் அதிர்ச்சியை ஏற்படுத்தியது. இந்த சம்பவத்துக்கு பின்பு கடலோர பகுதிகளில் பாதுகாப்பு அதிகரிக்கப்பட்டுள்ளது. இலங்கையில் இருந்து பாகிஸ்தான் தீவிரவாதிகள் 4 பேர், கடல் வழியாக தென் மாவட்டங்களுக்குள் ஊடுருவ திட்டமிட்டுள்ளதாக தகவல் கிடைத்துள்ளதாகவும், கடலோர பகுதிகளில் பாதுகாப்பை அதிகரிக்கும்படியும் மத்திய உளவு துறை தமிழக அரசுக்கு எச்சரிக்கை அனுப்பியுள்ளது. இதையடுத்து நேற்று இரவு முதல் குமரி உள்ளிட்ட தென் மாவட்ட கடலோர பகுதிகளில் போலீசார் உஷார்படுத்தப்பட்டுள்ளனர். தீவிர சோதனைகளும் மேற்கொள்ளப்பட்டு வருகின்றன.

 குமரி மாவட்டத்தில் ஆரோக்கியபுரம் முதல் நீரோடி வரையில் 45க்கும் மேற்பட்ட கடற்கரை கிராமங்கள் உள்ளன. இவற்றில் தேங்காப்பட்டணம், சின்னமுட்டம், அஞ்சுகிராமம், குளச்சல் உள்ளிட்ட பகுதிகளில் கடலோர சோதனை சாவடிகள் உள்ளன. இந்த சோதனை சாவடிகளில் நேற்று இரவு முதல் கூடுதல் போலீசார் நிறுத்தப்பட்டனர். நேற்று மீன்பிடிக்க சென்று விட்டு இன்று  அதிகாலையில் மீனவர்கள் கரை திரும்பினர். அவர்களிடமும் சந்தேகப்படும்படியான நபர்கள் யாராவது சுற்றி திரிந்தார்களா என்று போலீசார் விசாரணை நடத்தினர். இந்த திடீர் சோதனை குறித்து காவல்துறை அதிகாரி ஒருவர் கூறுகையில், ‘இலங்கையில் இருந்து பாகிஸ்தான் தீவிரவாதிகள் ஊடுருவ சதி திட்டம் தீட்டி இருப்பதாக வந்த தகவலின்படி சோதனை நடத்த நேற்று இரவு உத்தரவிடப்பட்டது. குமரி மட்டுமின்றி தூத்துக்குடி, ராமேஸ்வரம் உள்பட  கடலோர பகுதிகள் முழுவதிலும் பாதுகாப்பு அதிகரிக்கப்பட்டு உள்ளது’ என்றார்.

• மணல் சுரண்டலால் காலியாகும் காவிரி - நடவடிக்கை எடுக்க வலியுறுத்தல்
  
• இலங்கை கடற்படை அட்டூழியம்: புதுகை மீனவர்கள் விரட்டியடிப்பு: கல் வீசி தாக்கியதில் படகுகள் சேதம்
  
• கும்பகோணத்தில் திமுக வெற்றி பெற்றது செல்லும் சென்னை ஐகோர்ட் தீர்ப்பு
  
• ரகசிய திருமணத்துக்கு பெற்றோர் எதிர்ப்பு :முத்துக்குமரன் மருத்துவ கல்லூரியில் தூக்கிட்ட மாணவி பரிதாப பலி
  
• சமையல் காஸ் முறைகேடு 11,140 பேர் மீது வழக்கு: சட்டசபையில் அமைச்சர் தகவல்
  
• சிலிண்டர் வெடித்து தீ விபத்து பலி எண்ணிக்கை 2 ஆனது
  
• இலங்கை தூதரக அலுவலகம் மகா போதி மையத்துக்கு பாதுகாப்பு
  
• சுதந்திர தினத்தையொட்டி சென்னை ஏர்போர்ட்டில் 7 அடுக்கு பாதுகாப்பு
  
• கத்தரிக்காய் விலை குறையும் : வேளாண் மையம் கணிப்பு
  
• பேய் விரட்டும் வினோத நிகழ்ச்சி