கொல்கத்தா:‘எங்கள் கட்சி  தொண்டர்களை தாக்கினால், மார்க்சிஸ்ட் கட்சி பெண்களை பலாத்காரம் செய்ய இளைஞர்களை அனுப்புவேன்’ என்று திரிணாமுல் காங்கிரஸ் எம்பி தபஸ்பால் பேசியது பெரும் சர்ச்சையை ஏற்படுத்தியுள்ளது. மேற்கு வங்கத்தில் ஆளுங்கட்சியான திரிணாமுல் கட்சியின் எம்பி தபஸ் பால். சமீபத்தில் இவர் கட்சி கூட்டத்தில் பேசும் போது, ‘மார்க்சிஸ்ட் தொண்டர்கள் தொடர்ந்து எங்கள் கட்சி தொண்டர்களை தாக்கி வருகின்றனர். இதை நிறுத்திக் கொள்ளாவிட்டால் மார்க்சிஸ்ட் கட்சி பெண் தொண்டர்களை பலாத்காரம் செய்ய இளைஞர்களை அனுப்புவேன்’ என்று மிரட்டினார். இதை ஒருவர் செல்போனில் வீடியோ எடுத்து வெளியிட்டார். இதைத் தொடர்ந்து, தபஸ்பால் பேச்சு மேற்கு வங்கத்தில் பெரும் சர்ச்சையை ஏற்படுத்தியுள்ளது. அவருக்கு எதிர்கட்சிகள் கடும் கண்டனம் தெரிவித்துள்ளன. அவரை பதவி நீக்கம் செய்ய வேண்டும் என லோக்சபா சபாநாயகர் சுமித்ரா மகாஜனுக்கு கோரிக்கை விடுத்துள்ளனர்.
 இதுகுறித்து மேற்கு வங்க கல்வி அமைச்சர் பார்த்தா சட்டர்ஜி கூறுகையில், ‘தபஸ் பால் பேசியது குறித்து விசாரணை நடத்தப்படும். அவ்வாறு அவர் கூறியிருந்தால் அதை ஏற்க முடியாது’ என்றார். ‘தபஸ்பாலின் பேச்சை கட்சி ஒருபோதும் ஆதரிக்காது. அவரது பேச்சு முற்றிலும் பொறுப்பற்ற பேச்சாகும்’ என்று செய்தி தொடர் பாளர் டெரக் ஓ பிரைன் கண்டித்துள்ளார்.

மார்க்சிஸ்ட் கட்சி தலைவர் பிருந்தா கரத், முன்னாள் ஐபிஎஸ் அதிகாரி கிரண்பேடி ஆகியோர் தபஸ் பால் மீது லோக்சபா சபாநாயகர் சுமித்ரா மகாஜன் நடவடிக்கை எடுக்க வேண்டும் என்று வலியுறுத்தியுள்ளனர். தேசிய பெண்கள் உரிமை ஆணையமும் கண்டனம் தெரிவித்துள்ளது. இந்நிலையில், தபஸ்பால் தனியார் தொலைக்காட்சிக்கு அளித்த பேட்டியில், ‘நான் ரேப்(பலாத்காரம்) என்ற வார்த்தையை  பயன்படுத்தவில்லை. ‘ரெய்டு’ நடத்துவோம் என்றுதான் சொன்னேன். அதற்கு வருத்தம் தெரிவிக்கிறேன்’ என்றார்.

• ஓடும் ரயிலில் கேரள இளம்பெண்ணை பலாத்காரம் செய்ய முயற்சி
  
• பெங்களூரில் 6 வயது மாணவி பலாத்காரம் மூடப்பட்ட தனியார் பள்ளி 11 நாட்களுக்கு பிறகு திறப்பு பலத்த போலீஸ் பாதுகாப்பு
  
• காங்கிரஸ் மாணவர் பிரிவுக்கு தேர்தல் மூலம் நிர்வாகிகள் ராகுல் மீண்டும் அதிரடி
  
• இடைத்தேர்தல் களம் சூடு பிடிக்கிறது பீகாரில் 24 ஆண்டுகளுக்கு பிறகு நிதீஷ், லாலு கூட்டாக பிரசாரம்
  
• டெல்லியில் சோனியா நடத்திய இப்தார் விருந்து கூட்டணி தலைவர்கள் புறக்கணிப்பு
  
• உத்தரகண்டில் மழை வெள்ளம்: நிலச்சரிவில் சிக்கி 6 பேர் பலி கேதார்நாத் யாத்திரை ரத்து
  
• மோடி அமைச்சரவையில் மேலும் 12 பேருக்கு வாய்ப்பு: ஆகஸ்ட் 14க்கு பிறகு விரிவாக்கம்
  
• துபாய் கடற்பகுதியில் 8 மாதமாக கப்பல்களில் சிக்கி தவிக்கும் 25 இந்தியர்கள்
  
• சிறைக்குள் கோஷ்டி மோதல்: 3 கைதிகள் பலி
  
• உ.பி.யில் மாலை 6 மணிக்கு மேல் பெண்கள் பாதுகாப்பாக நடந்து செல்ல முடியாது: கோவா முதல்வர் பேச்சால் சர்ச்சை