சென்னை: அடையாறு ஆற்றில் குதித்து ஓய்வு பெற்ற மின்வாரிய அதிகாரி இன்று காலை தற்கொலை செய்து கொண்டார்.பெருங்குடி கந்தன் சாவடி சிபிஐ  காலனியில் குடும்பத்துடன் வசித்து வந்தவர் திருநாவுக்கரசு (86). ஓய்வு பெற்ற மின்வாரிய அதிகாரி. இவர், இன்று காலை தனது வீட்டில் இருந்து மயிலாப்பூர் நோக்கி  காரில் புறப்பட்டார். காரை அந்தோணி என்பவர் ஓட்டினார். காலை 10.10 மணிக்கு கார் அடையாறு திரு.விக பாலத்தில் வந்து கொண்டு இருந்தது. அப்போது,  திருநாவுக்கரசு திடீரென காரை நிறுத்தும்படி தனது டிரைவரிடம் தெரிவித்தார். சிறுநீர் கழிக்க போவதாக கூறி காரில் இருந்து இறங்கியவர் திடீரென அடையாறு  ஆற்றில் குதித்தார். இதை சற்றும் எதிர்பாராத டிரைவர் அந்தோணி அதிர்ச்சியடைந்து கூச்சலிட்டார்.இது குறித்து, தீயணைப்பு கட்டுப்பாட்டுத் துறைக்கு தகவல்  கொடுக்கப்பட்டது. திருவான்மியூர், கிண்டி ஆகிய இடங்களில் இருந்து தீயணைப்பு வீரர்கள் விரைந்து சென்றனர். ரப்பர் படகு மூலம் தேடுதல் வேட்டை நடந்தது.  பின்னர், திருநாவுக்கரசு சடலமாக மீட்கப்பட்டார். அவரது சடலம் பிரேத பரிசோதனைக்காக ராயப்பேட்டை அரசு மருத்துவ மனைக்கு கொண்டு செல்லப்பட்டது.இது  குறித்து, சாஸ்திரி நகர் போலீசார் விசாரணையில் இறங்கி உள்ளனர். முதல் கட்ட விசாரணையில் குடும்ப தகராறு காரணமாக திருநாவுக்கரசு தற்கொலை செய்து  கொண்டது தெரிய வந்ததுள்ளது. தொடர்ந்து போலீசார் விசாரணை நடத்தி வருகின்றனர்.

• தாம்பரம் அபார்ட்மென்டில் கைவரிசை கதவை உடைத்து 30 பவுன், வெள்ளி கொள்ளை
  
• விசாரணையில் பகீர் தகவல் பெண் உளவியல் நிபுணரின் சொத்துகளை அடைய கொலை
  
• பில்லி, சூனியம் வைத்ததாக கூறி மாமியாரை எரித்து கொன்ற மருமகன்
  
• 'ஹேப்பி பர்த்டே சொல்ல வந்தார்' டாக்டர் காதலியின் வீட்டில் வங்கி அதிகாரி தற்கொலை
  
• தோழி திருமணத்தில் பரபரப்பு மாணவியை தாக்கிய மாணவன் கைது
  
• ஊத்துக்கோட்டையில் சாலை மறியல் தேமுதிக பெண் நிர்வாகி கைது
  
• நடத்தை சந்தேகத்தில் பயங்கரம் கோடரியால் வெட்டி மனைவி படுகொலை கணவனும் தூக்கிட்டு தற்கொலை
  
• மனைவி, மாமியாரை கொன்ற ஆட்டோ டிரைவர் கைது
  
• படுக்கை அறையில் மனைவி கழுத்து நெரித்து கொலை கணவன் வெறிச்செயல்
  
• வியாசர்பாடியில் பதற்றம் அரசு கல்லூரி வளாகத்தில் மாணவருக்கு கத்தி குத்து சக மாணவர் கைது