லண்டன்: இங்கிலாந்து வரலாற்றில் மிகப் பெரிய ரயில் கொள்ளையில் ஈடுபட்டவர் 81 வயதில் காலமானார். இங்கிலாந்தின் பிரன்ட்போர்ட் சென்ட்ரல் ரயில் நிலையத்தில் இருந்து ஸ்காட்லாந்துக்கு கடந்த 1963ம் ஆண்டு ஆகஸ்ட் 8ம் தேதி ரயில் புறப்பட்டது. அதில் மூட்டை மூட்டையாக (21 கோடி ரூபாய். இப்போது இதன் மதிப்பு 328 கோடி ரூபாயாக மதிப்பிடப்படுகிறது) கரன்சிகள் அனுப்பப்பட்டது. இந்த ரயில் லெட்பர்ன் அருகில் சென்ற போது, பிரிட்கோ ரயில் பாலத்தில் மர்ம ஆசாமிகள் சிலர் ரயில் பெட்டிக்குள் புகுந்து பாதுகாவலர்கள், ரயில் டிரைவரை தாக்கி பணத்தை கொள்ளை அடித்தனர். இந்த கொள்ளையில் ஆயுதங்கள் எதுவும் பயன்படுத்தப்படவில்லை என்று கூறப்படுகிறது. இங்கிலாந்திலேயே இதுதான் மிகப்பெரிய ரயில் கொள்ளையாக இன்று வரை கருதப்படுகிறது.

தி கிரேட் டிரைன் ராபரி என்றே இந்த கொள்ளையை அழைக்கின்றனர். இந்த கொள்ளை குறித்து போலீசார் தீவிர விசாரணை நடத்தினர். கொள்ளை கும்பல் தலைவனாக செயல்பட்ட புரூஸ் ரெனால்ட், பணத்துடன் மெக்சிகோவுக்கு தப்பியோடி விட்டார். கொள்ளை அடித்த பணத்தில் ஜாலியாக இருந்தார். பணம் செலவானதும் மீண்டும் கடந்த 1968 ஆண்டு இங்கிலாந்துக்கு வந்தார். அப்போது புரூசை போலீசார் கைது செய்தனர். ரயில் கொள்ளை வழக்கில் 25 ஆண்டு சிறை தண்டனை விதிக்கப்பட்டது. சிறையில் இருந்து வெளியில் வந்த பின், தனது கொள்ளை அனுபவங்களை புத்தகமாக எழுதினார். பாப் பாடகராகவும் விளங்கினார். இந்நிலையில், உடல்நலம் பாதிக்கப்பட்ட புரூஸ் தனது 81 வயதில் நேற்று மரணம் அடைந்தார். இதை இவருடைய மகன் நிக் ரெனால்ட் உறுதிப்படுத்தினார்.

• சீனாவில் 4 பேருக்கு மரண தண்டனை நிறைவேற்றம் : டிவியில் காட்டியதற்கு கண்டனம்
  
• ஒரே வாரத்தில் 2 பேர் பலி : மூத்த பத்திரிகையாளர் பாக்.கில் சுட்டுக் கொலை
  
• தத்தெடுத்த ரஷ்ய குழந்தை திடீரென இறந்தது எப்படி? : அமெரிக்க அதிகாரிகள் விளக்கம்
  
• தூக்கு தண்டனை விதிக்கப்பட்ட இந்தியர் சரப்ஜித் சிங்கின் வக்கீலுக்கு தலிபான் கொலை மிரட்டல்
  
• ரஷ்யாவில் பூகம்பம் : மக்கள் பீதி
  
• கட்சி தலைவருக்கு மரண தண்டனை : வங்கதேசத்தில் பயங்கர கலவரம் ; 32 பேர் அடித்து கொலை
  
• கர்ப்பிணி மனைவியை கீழே தள்ளிவிட்ட குத்துச்சண்டை வீரர் கைது
  
• உணவில் மயக்க மருந்து கலந்து 17 போலீசார் கொடூரமாக சுட்டு கொலை : ஆப்கன் முகாமில் நுழைந்து தலிபான்கள் வெறிச்செயல்
  
• சுவிஸ் தொழிற்சாலையில் துப்பாக்கி சூடு : 3 பேர் சாவு
  
• சர்தாரியை பதவி நீக்க கோரும் வழக்கு தள்ளுபடி : லாகூர் ஐகோர்ட் உத்தரவு